बलिउडका चर्चित डाइरेक्टर-गीतकार संजय छेलको कुण्डली हेर्ने अवसर पाए ज्योतिषाचार्य मिलन रिमालले

बलिउडका चर्चित डाइरेक्टर-गीतकार संजय छेलको कुण्डली हेर्ने अवसर पाए ज्योतिषाचार्य मिलन रिमालले
जीवनकै स्मरणीय पलको रूपमा माने

तेजपुर : गोर्खाली पत्रकार तथा प्रख्यात ज्योतिषाचार्य मिलन रिमालले हालै बलिउडका सुप्रसिद्ध डाइरेक्टर तथा गीतकार संजय छेलको कुण्डली अध्ययन गर्ने दुर्लभ अवसर पाएको बताएका छन्। अहिले साउथ इन्डियामा रहेका रिमालका अनुसार, "मैले कल्पना गरेको थिइनँ कि म कहिल्यै बलिउडसँग सम्बन्धित यस्ता व्यक्तित्वको कुण्डली हेर्न पाउनेछु। यो मेरो जीवनकै महत्वपूर्ण र सौभाग्यशाली क्षण हो।"

उनका अनुसार संजय छेलले स्वयं फोन गरेर सम्पर्क गरेका थिए र झन्डै ५५ मिनेटसम्म ज्योतिषीय परामर्शका लागि कुराकानी भएको थियो। "उहाँले आफैँ मलाई नम्बर दिनु भयो र हाम्रो गहिरो संवाद भयो," मिलनले बताए। रिमाल भन्छन् सञ्जय छेल् ले आफै उनलाई बलिउड डाइरेक्टर रहेको जानकरी गराएको र 35 भन्दा बढी फिल्म मा उनले काम गरेको ,30 भन्दा बढी सिरियलमा काम गरेको र तारक मेहेताका उल्टा चस्मा मा पनि वाहाले काम गरेको जानकारी गराएका थिए। मिलन ले तपाईं असम आउनु भनेको छ भन्दा संजय छे देश-विदेश धेरै ठाउँ घुमेपनि असम आउन नपाएको दुःख व्यक्त गरेका थिए भने छिट्टै असम आउने इच्छा रहेको कुरा पनि व्यक्त गरेका छन्।

मिलनले फेसबुकमार्फत यस स्मरणीय क्षणको जानकारी सार्वजनिक गरेपछि शुभचिन्तक, साथीभाइ तथा विभिन्न सामाजिक तथा सांस्कृतिक संघ-संगठनबाट उनलाई बधाई र सम्मान प्राप्त भएको छ।

उनी भावुक हुँदै भन्छन्, "पिताजीको सपना थियो मलाई ज्योतिष बनाउन, आज त्यो सपना पुरा भएको महसुस गर्दैछु। र यो सम्भव हुनुमा सबैभन्दा ठूलो श्रेय म मेरा गुरु कृष्ण पौडेललाई दिन्छु, जसले मलाई सधैं ज्ञानको सही मार्गमा अघि बढाउनु भयो।"

KNSG LIVE परिवारको तर्फबाट पनि मिलन रिमाललाई हार्दिक बधाई तथा शुभकामना।

0 Comments

Post a Comment

Post a Comment (0)

Previous Post Next Post